Habang pauwi ako ng bahay kanina, nakaharang na naman sa daan ang mga tambay samin. Halu-halo sila, mga gangsters at mga chicks ng mga gangsters. Sa totoo lang, nakakakaba palagi ang dumaan sa kanila, dahil hindi mo sigurado kung kailan sila nakatira ng bato. O nakahithit ng marijuana. O nakasinghot ng katol. Pero kahit na papaano, alam ko na ang technique kapag dadaan ako– lalakad lang ako ng mabilis, hindi ko sila titingnan sa mata, pero aktibo ang peripheral vision ko sa kung anuman ang mangyayari. Kapag tinawag nila ako, magbibingi-bingihan lang ako. Kapag makalampas ako… tada! Pinalad na naman akong mabuhay muli.

Pero bukod sa mga gangsters na walang ginawa kundi tumambay at manigaw lang ng mga konduktor ng mga nagsisidaanang jeep, isa pa sa mga nagpapakaba sa akin kapag nakikita ko ay ang mga emo. Hindi ‘yung mga emo na “emotional” lang at pinapasabog ang tenga nila sa tugtog ng My Chemical Romance ha. Mga hardcore na emo talaga. Mga hardcore, trying-hard emo. Parang ganito:

"I Love and Fuck You", sabi nila.

Mga dugyuting emo. Silang mga palaging nakaitim na tight shirt, at mahahabang buhok na parang binuhusan ng pamada (okay, hair wax para sa mga ‘di alam) sa sobrang haba. Naaalala ko pa dati nung tinanong ko ang kapatid ko tungkol sa kapitbahay naming naging emo na:

Ako: Bakit naging ganyan si Edward*?! Emo na emo na!

Siya: Oo nga e. ‘Lam ko kuya ‘di naliligo ‘yang mga ‘yan. Para daw matigas ang buhok nila.

Ako: Kaya pala ang papanghi nila.

Mukha naman silang harmless kaysa sa mga gangsters, pero kinakabahan ako sa kanila kasi minsan, kapag nagsasama-sama sila, aakalain mong “end of the world” na. Naalala ko pa dati nung nagkaroon ng concert sa Marikina Sports Center kung saan nagpuntahan na ata lahat ng emo within the 10 kilometer radius… lahat sila nakaitim, may hikaw sa ilong, sa mata, at sa dila. Akala ko naligaw ako sa ritwal ng isang kulto e.

Bakit ba nagpapaka-emo sila? Gusto ba nila ‘yung musika, o talagang akala lang nila uso ‘yun? Na cool ‘yun, ang hindi maligo at mag-tight black shirt kahit nasa ilalim ng araw? Bakit hindi sila maging masaya? Lagyang kulay ang buhay? Parang ganito?

 

Vectorized Emos: Cool.

O, di ba masaya?

 

*****

*di tunay na pangalan, iningatan dahil maselan

photos taken from blog.ademagnaye.com and fc01.deviantart.com. Bisitahin nyo sila. ‘Yung vectorized emo pic, nafeature na t-shirt design yan sa designbyhumans.com (link sa sidebar). Galing.:)